هديييييييييييييييييييييية لكل الاعضاء فردا فردا

لكل عضو من اعضاء المنتدي سواء من سجل او دخل وسجل بعد مدة وانشاء الله تحوز علي رضاكم ..........دلوعتكم.


.................................................. ........

من اجمل القصائد التي قالها الشاعر ابراهيم المزيد رحمه الله


لقيت الناس ما منهم سلامه= لزوم يلحقك منهم ملامه
ولا تحسب حلالك لو تبيده = يبي يحماك عن هرج الفدامه
بذرت الجود فيمن لا جزاني= سوى ذم إلا هبت ولامه
حقود القلب نقال الوشايا = هذور سهمته نقل النمامه
إلا منه طرى له ما طرى له = تكلم ما يثمن وش كلامه
بقوله يزعم إنه مازح به = وهو ينقض ويفتل في عدامه
دخيل الله من خطو السملق = إلا بالهيذوان أطلق لجامه
ألا ليت ربي يوم سوى = عبيده حط للطيب علامه
على شان الذي بالناس جاهل = يعرف الحر من برق الجهامه
لجل بالناس شيطان ملبد = ولو لوى على راسه عمامه
يغرك بالسلام وبالتحفي = وهو شيخ وجثجاث طمامه
مثل هذا تحذر منه جدا = ولا تدني منامك من منامه
وبعض الناس في ممشاه رابض = يختل الناس في قل إهتمامه
وبعض الناس يبدي لك نصيحه = ولكن ما تعرفه وش مرامه
وهو ما مقصده نصح ولكن = يبي يلبسك للحاجه خطامه
وإلا منه قضى بك ما يريده = أخذ سده وضربك المهامه
وبعض الناس يوري لك محبه = وأرق من البريسم في تمامه
إلا قام يتمسكن بالتلفظ = تقول أطهر وأصح من الحمامه
وبعض الناس محمود السجايا = رقى العليا بعزمه والتزامه
إلا منه بدى لك فيه لازم = قضى لازمك ما ثمن حطامه
كمنه وافي في كل خصله = عريب الجد خاله من عمامه
اسال الله يرفع كا خير = عن الخذلان لا يهفي مقامه
قضى نظمي وما لاق بضميري= حلات القيل مبداته ختامه
أقول الناس مشكاهم على الله = لزوم يلحقك منهم ملامه